Юсуф Элтоев Болалик
Aka esingdami yoz oqshomlari
Yulduzlarni sanab ko'kka boqardik
Opam o'qir edi bizga ertaklar
Tunlari kerosin chiroq yoqardik
Kattadan kichikroq akam sho'xligi
Bir pasda bilinardi uyda yo'qligi
Yig'ilsak to'polon bo'lib uyimiz
Kurashib dumalab har bir kunimiz
Dadamlar kelsalar hushyor tortardik
O'tkir nigohidan biroz qo'rqardik
So'ngra bag'rin ochib bir jilmayardi
Quvonib quchog'ia o'zni otardik
Toshlardan yasardik kichik uychalar
O'yingoh bo'lardi changli ko'chalar
Qornimiz ochganda yugursak uyga
Ayamlar yopardi shirmoy kulchalar
Bahor yomg'irlari yog'ib o'tganda
Bulutlar tarqabon har yon ketganda
Tog' tomon chopardik yugurib shoshib
Qo'ziqorin terardik qirlardan oshib
